കിതപ്പ്2021-26

നാടിന്റെ വികസനത്തിന് അത്യന്താപേക്ഷിതമായ വൻകിട പദ്ധതികൾ രാഷ്ട്രീയ പകപോക്കലുകൾക്ക് ഇരയായി ഇഴഞ്ഞുനീങ്ങുന്നു.

• പെരിഞ്ചേരിക്കടവ് റെഗുലേറ്റർ കം ബ്രിഡ്ജ്:

  • കർഷകരുടെ കണ്ണീരൊപ്പാൻ പാറക്കൽ അബ്ദുല്ല കൊണ്ടുവന്ന 77 കോടിയുടെ പദ്ധതി.
  • പാറക്കൽ പടിയിറങ്ങുമ്പോൾ 22% പണി പൂർത്തിയായിരുന്നു. എന്നാൽ കഴിഞ്ഞ അഞ്ച് വർഷമായി പദ്ധതി ഒരടി പോലും മുന്നോട്ട് നീങ്ങിയിട്ടില്ല. ഒരു നാടിന്റെ സ്വപ്നം വെറും കോൺക്രീറ്റ് പില്ലറുകളിൽ തങ്ങിനിൽക്കുന്നു.
• വടകര - വില്ല്യാപ്പള്ളി - ചേലക്കാട് റോഡ്:

  • പാറക്കൽ അബ്ദുല്ലയുടെ കാലത്ത് കിഫ്ബിയിൽ ഉൾപ്പെടുത്തി അനുമതി വാങ്ങിയ പദ്ധതി.
  • വർഷങ്ങൾക്ക് മുൻപേ തീരേണ്ട പ്രവൃത്തി ഇപ്പോഴും ഡ്രൈനേജ് പണിയിൽ തട്ടിനിൽക്കുന്നു. ഈ അനാസ്ഥ കാരണം റോഡിലെ കലുങ്കിൽ വീണ് ഒരു മനുഷ്യജീവൻ പൊലിയേണ്ടി വന്നു. ട്രാഫിക് ബ്ലോക്ക് മാത്രമാണ് നാട്ടുകാർക്ക് ലഭിച്ച ഏക നേട്ടം.
• കുറ്റ്യാടി ബൈപ്പാസ്:

  • രേഖയിൽ തണ്ണീർതടമായിരുന്ന ഭൂമി തരംമാറ്റിയതുൾപ്പെടെ ബൈപ്പാസിനാവശ്യമായ 90% നടപടി ക്രമങ്ങളും പാറക്കൽ അബ്ദുല്ലയുടെ കാലത്ത് പൂർത്തിയാക്കിയതാണെന്ന് പൊതുമരാമത്ത് വകുപ്പ് മന്ത്രി നിയമസഭയിൽ തന്നെ സമ്മതിച്ചതാണ്.
  • എന്നാൽ നിർമ്മാണ ഉദ്ഘാടനത്തിൽ നിന്നും പാറക്കലിനെ മനഃപൂർവ്വം ഒഴിവാക്കി രാഷ്ട്രീയം കളിച്ചു. നിർമാണ ഉദ്‌ഘാടനം കഴിഞ്ഞ് വർഷങ്ങൾ പിന്നിട്ടിട്ടും പദ്ധതി പൂർത്തിയാക്കാൻ നിലവിലെ ഭരണനേതൃത്വത്തിന് സാധിച്ചിട്ടില്ല.